الفيديو ده مختلف عن أي فيديو من اللي بتشوفه كل يوم، ببساطة ﻷنك جزء منه بصورتك واقتراحاتك.
إحنا كمصريين عايزين ندي أعظم تحية ﻷرواح الشهداء اللي حققوا إرادة الشعب .. وكمان عايزين نكون إيجابيين أكتر ومتفاعلين مع مجتمعنا أكتر.. فيه حاجات عامة كلنا ممكن نكون متفقين عليها، زي مساندة الأقتصاد والسياحة مثلاً، لكن كمان فيه سلوكيات شخصية بتحصل مننا كل يوم .. ودي اللي ليها التأثير اﻷكبر..
علشان كده احنا عملنا الفيديو ده، علشان تعبر من خلاله بكلمات بسيطة عن سلوكيات إيجابية انت ناوي تعملها
ولما تعمل share للفيديو ده على الفيسبوك وأصحابك يشوفوا اسمك وصورتك جواه، هيكون تأثيره أكبر بكتير من أي رسالة هما بيسمعوها،
وممكن هما كمان يعملوا الفيديو بتاعهم بأفكارهم وإسلوبهم، اللي ممكن نغير بيها السلوك العام للأحسن.
دي مساهمة بسيطة مننا، إحنا عايزين من وقتك 10 دقائق تعمل فيهم الفيديو بتاعك وتشاركه مع كل أصحابك، أكيد مش خسارة في بلدنا .
